標籤

2012年3月23日 星期五

1折咋一折咋!d-mop開倉一折咋~~~~好平呀~~~~

拿...拿....拿.....我又有好野名醒大家啦!!!

地點:觀塘開聯工業中心A座1樓

只係做到今個星期日咋,星期六、日收11點-6點!今日就收8點~要敗家就快手啦...hahahaha

全場9成貨品都只係1折咋,有D就2折~~平到喊平到笑平到嘔呀......

仲要買5送1,買9送2呀~~~~~

好,呢度就係星期三既收獲^^V~~

 

原先一共要$2580~

所有衫一折後.........................


我已經算敗得小,買唔到多一件,如果唔係可以送多件比我,

最衰我之前已經買買埋埋勁多衫,所以停下手喇要!!

見到D 1折牌真係超勁high呀~~hahahaha

1折後四件衫一共只需$258咋~~~


1)其實我都唔知呢件係男款定女款,敗左先算!!太平啦實在~~~~


原價$290

牌子:blues heroes

1折後...$29蚊咋!!痴線架....~~~


2)

牌子:transfiguretion

黑色長袖T



原價$750,1折後....

$75咋~~~~旺角都唔得啦!!我暈啦...(平到暈)


3)

牌子Y-3

米白色短袖T


我左睇右睇都唔見個乜頭係邊!原來係手袖位後面@@~~

好鬼鼠!!


呢件衫好多都已經淨返XS嗎!左搵右搵,搵到頸都痛埋,終於比我搵到件S碼~

^^V..yeah

原價$950

1折後...$95


4)牌子:loveis

灰色長身衫!呢件衫我係o係個超級亂既戰場,由最底既底處比我拉出黎既~~呼!!

得一千零一件,好彩岩我碼咋~~~~@0@


件衫後面有綁帶架,好特別呢!!


原價$590

1折後...$59

嘩!呢衫我真係好鐘意,係好好好鐘意,都只不過係59蚊!!好低買呀真係.......


同埋個博頭有個蝴蝶結,好彩可以拆得開架姐!!


yeah!拆開晒~~~!蝴蝶就唔需要啦,拆開未好睇!XDD


不過最衰件衫有珠片,要手洗呀>.<


我最鐘意就係呢D穌穌!!i like it~~























最後得返3日時間咋,要敗好野就快閃啦!!正野唔等人架!!!

順便一提,入要係好亂好亂,周地都係衫,垃圾袋,同埋d衫好似d豬腸粉咁,打晒交架!

所以要比d時間去搵,頸唔累得,手唔慢得,眼力最緊要,準確好呢3樣野就衝啦~~~~~~~!!

我果日都博命左1個半鐘先捨得走ar!

仲有,果度要買夠500先可以用visa及eps架,大家要帶夠足夠金錢呀^^~~

good lucky~~~

2012年3月21日 星期三

我又敗家了~~



上星期日,大爺話帶我去銅鑼灣食拉麵!!

佢聽佢同事介紹,果間d拉麵好味到d湯都可以飲埋,

不過就好貴,午市都要成$100以上一碗拉麵,晚市更加唔使講,更加貴!!

所以諗住一心去試好野,點知.......去到話已經賣完!!@@~~~~~~~~唔係化!!

果陣時3點都未到就話賣完??>.<咁唯有下次再早d去食啦~~~

所以就去左附近一間漢堡包店食左個tea set,行幾步仲有雞脾賣,好多人排隊架,我都唔輸虧都賣

左隻!^^V食飽又唔知做乜,睇花又無乜興趣,我就突然諗到,我有睇開佢地既微博架,

我引象中記得佢地話義賣二手衫,地點就係係銅鑼灣,所以就閃左去睇下啦~~~

以下就係果日既收獲~~~



我講佢地係邊個?

咪就係twins囉~~~

喇,我並非佢地既粉絲,不過我又有聽開佢地d歌,一聽就聽左10年喇~~~

哈!我見得閒無地方去,就睇下佢地義賣d乜衫都好呀~~~

地點:銅鑼灣地帶2樓!!

大家想去既話就快d喇,義賣到27號架咋~呵呵

注意:d衫係2手既,全部無吊牌架,有無著過就不得而知!!

















估唔到最後我竟然可以買兩件衫喔@0@~~~~................

我其實一心諗住佢地d衫會賣得好貴,點知又唔係喎!!

價錢有分幾個區既,有80、200、300、1000!哈........大家估下我會睇邊個區?

當然係80蚊就算啦~~~我又以為80蚊唔會靚,點知又揀到兩件喎~~


1)紫色背心$80

簡簡單單,隻d紫色我又鐘意,又係長身款,都係80蚊姐!

而且又無起粒粒,望落去都好新淨!!而且我並埋身又岩,哈!!


而且仲有牌子喎,80蚊花園街都唔得啦haha....


2)粉色運動褲$80

不過我買呢條原因都係買黎瞓覺著,所以顏色就是但啦!!

不過我著左上腳就長左d@@~~

因為我記得呀sa就算高高地,唔通呢條褲係呀sa既?~hahaha

係邊個都好啦,d衫全部比我掉左落洗衣機喇~^0^呵呵



3)呢件就係另外係旺角敗既!!$99~~


我買既原因因為件衫好特別呢~~~~~

特別係邊??睇下圖吧!!


只要細心睇,件衫就無袖架~~~一野笠落個頭度就攪掂!

我鐘意呀.................


咁樣睇會唔會清楚d?

哈,只要著件背心打底,再笠埋佢係面就出得街喇!超方便的~~~


希望件衫唔會好快比我攪到有污啦!!小心d著先~~


4)沙田敗既,$80

我又去左chapel買野喇,因為我一直都好想買對有鍋丁既鞋,不過周圍睇都唔岩心水,

唉,唯有買件手飾算!我賣單之後有d後悔,我竟然忘記左上淘寶網睇呀..........

分分鐘呢隻鐲8蚊就有交易,算啦..............嗚>.<


有好幾隻色揀架,有黑、透明...其他忘記左!

我就揀左比較突出既白色!!呵呵


衰鬼呀,帶左上手又幾好睇喎!!睇我寵用你先~~XDD

唔細心睇都唔知,原來隻鐲入面印有chapel呢個牌子既!!都好彩,貴有貴著啦!


呢兩袋就係尋日新鮮係沙田敗既!!哈,又沙田!!服左自已囉~~~


5)沙田bossini敗既,Rilakkuma系列$85(原價$100)

我開頭都唔知原來有85折,多得sales話我知,只要上facebook like bossini fanspage,

然後結帳前show張coupon圖比店員睇,咁就得架喇!!唔需要影印架,好方便呢!呵呵

大家可能唔知,其實呢個款係小童款黎架~~hahahaha

如果我有個女一定會買!不過可惜我未有,著住自已個身先啦hahahaha~~


我之前係b+ab無買到已經好後悔架喇!今次一定唔可以再錯過!!即殺............


超愛呀,原本呢件係小童衫,竟然可以著左係我身XDDD~~

真係可愛到無極!!所以今次我要揀L碼先得!!其實都係好免強地著到!!

因為全線XL碼已經賣晒@@~~~大家都瘋狂了!!


連背後都可以咁可愛!!真係超愛呢件衫呀.......


行行下,去左好運果邊睇衫,又敗左兩件!係同一店敗既,兩件加埋只需要$70蚊~~~

點解咁平?因為就執笠,全店$50蚊!!其實我無諗過會買到,之但係又比我執到好野喎...wakakakak``


6)嘩....呢件直頭低到爛啦!!!

大家估下幾多錢??

答案在下圖!


大家無睇錯!!只需要$20蚊咋~~!!@@痴線架!!

而且隻瑩光黃我都幾鐘意,好summer呢~~~


7)通洞黑色衫$50

睇一次買呢d隆隆衫,一於試下先~~~~

真係好多隆隆架,好驚會好易勾爛!

咁樣睇會唔會覺得d洞會多d?前前後後都係咁樣架!!

好涼爽咁!!快d著你出街先得~~


再放隻手比大家睇!d洞又多又大!!不過我又幾鐘意喎!哈哈!!

敗家完畢,今晚再出動殺......可以的話,聽日再報道!呵呵

2012年3月20日 星期二

SKINFOOD五味子水凝美白系列試用

好開心呀.....好正喔........真係好高興可以試用到最新出既shinfood五味子系列呢~YEAH^^V

今次有3樣試用!分別係:

step1)五味子水凝美白爽膚水、step2)五味子水凝美白乳液、

step3)五味子omija whitening mask sheet

一共總值:$855

產地: 韓國
嘩~~~好大手筆既試用耶~~~~~



第一介紹的是:五味子水凝美白爽膚水
容量155ml 
價值:$315
成份 :
Omija Herbal Complex
配件 :
附面頰綿膜 10 片
茶包已在產品樽旁附上喔!!!要注意呢~~不要垃圾來的啦!!哈































產品簡介:

爽膚水配合特別剪裁的面頰綿膜一同使用,能針對面頰部份容易乾燥的部位進行重點修護,

有效減淡雙頰斑紋及黑色素形成,為肌膚做足鎖水美白準備,締造出剔透亮白的潔淨春夏。

茶包的設計概念將美白精華鎖緊並保鮮於茶包內。當茶包與爽膚水混和並浸泡一分鐘後,

即可讓「Omija Herbal Complex」配方完美融合,讓肌膚吸收到最新鮮、最濃郁的精華。

『產品原先是透明白色的呢,將茶包浸泡一分鐘後............................』



打開樽蓋後!!喔.......還有個塞要拔開喔~不過可以重複使用的呢!!


使用方法1

基本用法

- 打開內瓶蓋,


取出茶包後.............


將茶包浸泡於爽膚水約 1 分鐘................



茶包浸包時,發現樽底的底部印有出產日期呢!!

保存期限:3年


等1分鐘後,將茶包取出並蓋上瓶蓋後輕輕搖晃....


好!搖晃完後,倒出爽膚水..............

好香呀..............

不過不知是否味道太重的關系,使用時不要倒太多份量喔!

因我第一次用果陣就係倒得太多,攪到塊面起粒粒呢>.<嗚~~~~


早晚臉部清潔後,取適量沾於化妝棉上!


由內而外均勻擦拭輕拍全臉及頸部至吸收即可。

咁就完成了基本使用方法啦~~~!!


哈!!乜都要知既我,茶包使用後,我就剪開左睇下入面究竟有d乜東東!!

唔...........................

爽膚水使用方法2

配合面頰綿膜用法:

一包有10片!!



取出棉膜後.............





















將爽膚水充份沾濕於面頰綿膜,


然後敷於面頰位置約 10 分鐘後,再以指腹輕拍至吸收即可。

完成晒爽膚水使用方法1及2啦~~~!!!!

而我就比較鐘意方法一呢~~~^0^~~


2)五味子水凝美白乳液omija whitening emulsion

容量:155ml
價值:$315
產品介紹:
獨特配方可抑制黑色素形成,配合角鯊烯成分,為細胞提供大量氧氣,讓肌膚回復活力,

延緩衰老;成份中的豐富維他命C及E,能於美白同時為肌膚注入大量水份,

用後令肌膚清爽有彈性,由內而外綻放無限亮白神采。



產品同樣有個塞架,不過我已拔出來!!


乳液倒出來後!!同樣都係有香味的喔~~~~~~~~~


用法:早晚使用精華後,取適量由內至外均勻塗抹於面部及頸部肌膚上。

產品吸收度都還算可以的啦,不過油膩感就因人異議吧!!

所以,如潮濕天氣及夏天我會比較常用在頸部會比較好的呢~~~


3)五味子頂級高效單張面膜 Omija Whitening Mask Sheet

一盒5塊

價值:$225

這款美白產品是Skin Food番茄,鮮橙C,龍舌蘭等美白系列效果的2倍以上效果!

屬於同類美白產品中的王者產品,讓美白的週期更加縮短。

高效同時特別提取純天然五味子植物精華配合韓方技術,讓美白同時感受自然的味道,

低刺激適合任意肌膚。


一包份量有30g呢!!


其實我唔知原先係有兩part面膜架!!@@


取出其中一塊面膜後.........

先取出的是下半部!!

其實個人覺得敷上半部先,定還是下半部先都是一樣效果的吧!!

使用方法:
面膜採用上下雙片式設計,經精心設計的立體剪裁,更貼服臉部,能配合不用面形

然後再取出上半部!!

好多精華耶 @_@






















敷約10分鐘,









10分鐘後.......取下面膜,直接將淨餘的精華按摩肌體至皮膚完全吸收便可!

不過個人覺得精華真的過多了,多到按摩後再要用廁紙抹幾下才可~~


看...............面膜包裝袋內仲有勁多精華呀!!

用係D手手腳腳先,唔好浪費嘛!!呵呵!!

完成晒3個step啦~~~~~