標籤

2011年3月31日 星期四

韓國Ciracle絲柔美白酵素潔顏粉‏

多謝facebook卓悅又再次比試用機會我,
希望日後可以繼續試用您地既產品啦
呵呵,而且去卓悅拎試用真係好方便我,
因為旺角東站就有間!!
不過今次我係拜托大少幫我拎既,佢果日順路嘛


嘩,原來一支都要成舊水!

好,等我快D試下你先~~~~



功效:
維他命 C酵素美白潔面粉末,
能揉起豐厚滋潤細膩的雪白泡沫,
將黑色素老化疲態角質及油脂廢物,
一剔過徹底除去,潔面同時帶來美白新體驗。
親和性極高的保濕成分由多種天然植物提煉而成,
木瓜及白柳精華萃取於潔面後形成保濕抗菌薄膜,
阻擋外來刺激防止黑頭粉刺形成,
令肌膚長期處於水感嫩滑清爽狀態,絕無繃緊感覺。
早晚享受美白潔顏泡泡浴,讓肌膚綻透閃爍光芒‧
特別適合敏感乾燥肌膚者使用。




樽口設計得幾好,唔會太大,
起碼唔會好易倒好多出黎,因為我有時會好粗佬,wakakak!!!
每次小小咁倒D粉出黎,又唔使下下就住就住!




使用方法:
首先整濕自己雙手及面部,
然後倒出適量潔顏粉,加水輕輕搓揉成泡沫,
以指腹在面上輕柔按摩,以溫水沖洗乾淨即可。




開始試用:
因為我家中無起泡泡海棉,所以用住隻手起泡先,
因為之前隻手已經濕左,就會比較易起泡!
雖然d泡唔算話好多,不過原來D泡泡可以起完又起,
第一輪d泡泡放上面後,覺得唔夠泡的話,可以加水再起過,
哈....咁就唔使話驚會浪費啦!

 


已經完成左洗面喇,爽耶!!
呢張係剛剛起床+洗完面的我,
鼻子亮亮的,好乾淨既感覺呀,
而且洗完之後塊面唔會死氣''尋''尋'',
真係覺得塊面柔滑左,
我仲覺得好似即刻白淨左!
仲有仲有,洗完面之後真係無''文文緊''既感覺喎,真心堆介,好用!
<<使用前的我>>
請留意額頭上的豆豆~~




試用一星期後~~
使用前o既豆豆已經消失左,
現在出的是新的豆豆!
豆死豆還在噢~~~
而白滑方面我覺得係有改變左,
感覺上又滑o都o都,又透白呢!


2011年3月30日 星期三

施巴淨膚潔面泡

我成日去親萬寧、屈記都好想買支返屋企試下架,
不過又唔知work唔work喎!
因為市面上好多產品講到好勁咁,
買左返屋企原來又係唔得架!
因為我d黑頭實在太難清,點搞都無用,
財爺一派錢,我即刻去美容院搞搞佢
講返先,今次試用既係<施巴淨膚潔面泡>
不過另外我都好想再買支同系列既粉刺o者喱試下,
總之乜野產品係可以去黑頭既我一定唔會放過!!
今次好多謝facebook既♥ B.E.A.U.T.Y ♥ 美.學 ♥ 試用活動比呢次機會我呢^0^~
哈,我一收到e-mail話中左試用勁開心,
因為呢支野係適合清潔黑頭、粉刺皮膚架
好,即刻開黎試下先~~
試用裝50ml,原先貨裝係150ml的!







有埋倒期日,可以安心使用!

made in 德國~




拆左包裝後...........




比較清楚一點既介紹!~~




大家緊記呢個粉刺暗瘡護理貼士la!好重要的~~



開始用啦~~~~

我塊面比較大,所以要吱3下先夠!

呢張係吱左一下既份量!


呢張係d泡泡塗上面後既相!

d泡泡一放落塊面度好舒服,有種唔知點講既香味,係清新香味喔!

跟住就輕輕按摩清潔面部,再跟住就等5分鐘左右先好再洗面呀,

因為效果會比較好,說明書上有講到的!

@0@~wo.....一洗面果下就已經feel到d皮膚好滑好滑~~

真係估佢唔到!

重點係,已經洗到d泡泡無晒都仲係feel塊面好滑好滑架,呵呵!


使用一星期後

雖然黑頭就無乜點減小,反而暗瘡就有明顯既改進,

同埋塊面既膚色都好似均勻左、白左!

p.s:
因為係弱酸性ph5.5配方的關系,所以洗面時唔怕會醃眼呢!
為達到最佳效果的話,要將泡泡停留係面上5分鐘,
所以我通常會係沖涼果陣時先洗頭後洗面!
重點係,開張雙眼洗頭都無有怕
報告完畢,謝謝收看!

2011年3月22日 星期二

東門之敗

機本上我每格幾個月就會去深圳shopping架喇,因為我真係好鐘意講價XD!!

我今次仲帶埋我男友一齊去
因我男友機本上係非常之小返大陸,佢話驚有賊喎!!
我讀書果陣已經會返深圳行街啦,未一樣完完整整乜事都無,最緊要自己小心d就ok啦!
我今次都係例牌同我個老死一齊去

今次收獲算小啦,忍手左,無計,人仔好貴!
帶500蚊港紙,對換後只係得返400幾蚊人仔,心痛到我呢~~

我地一去到第一樣收獲既係愛瘋殼,$20,不過已經比大爺即場用左,
咁都比佢買到野

以下呢度全部都係本小姐我既~~~~




1)
開價$75,我諗都無諗就話$40啦,唔使5分鐘交易完成!
呢件衫好有彈性,質地唔差的!



2)
佢原先講明就話$90兩條,單條$45,無得講價,我死唔信!
我拎住條褲左睇右睇,又考慮左一陣,又問大爺意見覺得點,
佢就擰頭話唔好睇,我都已經好乖咁掛返條褲,諗住走人,
哈哈,sales姐姐即使話,好啦好啦$40比你啦




3)
呢條睡裙講左好耐呀,雖然佢開價只係$30,
我死都話要$25!sales姐姐就話呢d料好靚架,
好好著架,我話,不過好易起粒喎,又易甩線,
佢就話,生意難做呀,我都無開高價比你啦,
$28啦,呢個價錢好聽d喇!

講到口水乾,唔夠定力,最後$28比錢走人!



不過我好鐘意夏天著呢d料訓覺,真係好爽架!



4)
$2.5x2膠布!
屋企堅係無



5)
我屋企果條已經著左好多年,又已經甩晒線,
所以諗住又買返條可以一著兩用!
原先$25一條既,我個老死又話買,
咁當然會同老闆娘講價啦,老闆娘話計我地$22一條,
我地話$20啦,我男友都開口講埋一份,好搞笑!
跟住老闆娘死都話唔得,我地都好乖咁拎晒d錢出黎,
跟住老闆娘話原來已經得返最後兩條,
大爺即場話,就一於咁話啦,$20啦,
老闆娘話,咁你地下次要再黎幫襯我呀!!<我地三個係咁話:好好好!
哈哈,大爺應該一早就要開口幫我地殺價啦!wakakka~



6)
呢兩支指甲油真係要講下喇,黑色$10(磨紗),紫色$20(裂甲)
我去到間買美容鋪果陣第一時間係問有無裂甲指甲油既,
跟住sales話,磨紗既就有,
喔.....其實我真係第一次聽,未用過,好想試下,
我就問sales,咁有無d搽出黎既效果睇下架,
sales就話,你可以試下隻手度,
不過我隻手原先已經搽晒指甲油喎,
哈.....呢個時候就要麻煩我個老死幫我試色....
佢試到5隻手指都係七彩顏色,好搞笑!
$10一支咋,其實我想買多幾支,不過我只係接受到黑色,
不過我聽日會出指甲文,記得留意喎!
另外果支裂甲好彩我無係M字頭果間野度買,成$90一支,唔係真係肉痛死我!
而呢支裂甲我係東門一間美容批發掂度買既,入面乜野美容野都有,超級大,
我淨係睇指甲油都睇左我成半粒鐘,下次再買!



報告完畢,明天繼續,謝謝收看



2011年3月21日 星期一

淘呀淘!

而家去淘寶買野真係好方便,
用visa比錢又得,去ok買淘點又得!
真係好容易買出事架
我自從知道原來可以用集運方法買野之後,
就一直用呢個方法買野喇!
首先將我d貨送去深圳果個人既屋企先,
集齊晒我d貨後,直接叫速遞送到我屋企門口,
嘩.....岩晒我呢個超級懶人!
送到屋企門口仲要不收任何負加費,good!!!
唔似得順x咁,遍遠地區要加錢,痴線!
不過呢個方法要等成個星期架!
如果有sis想用呢個方法買野,可以問我^_^~我好樂意教大家!
前兩天終於收到.........好大一包



登登!
一共4件衫!





1)
波西米亚西部风情胸前蝴蝶结丝光棉垂感孔雀系性感长裙
$68



質地好舒服!好有彈性!
不過就長左小小,都掂到地,我諗要拎去改短小小!
最緊要唔會好易''雛'',
因為d長裙一''雛''就唔好睇!
呢d質地岩晒我!!
重點是,因為我粗佬



2)
百搭高领仿羊毛绒打底衫T恤
$39



我買呢件衫因為我想買件有d公主袖feel既~
同埋屋企又無乜黑色打抵衫!




3)
深灰色斗篷式针织披肩
$55


 

開頭我問過一位買家,話呢件衫其實好薄,
不過果間就貴小小,所以無揀!
跟住我又揀過第二間,我揀呢間係最平!
點知我收到貨後,原來呢衫係好重手架!
同埋我覺得都會幾暖!
著左上身好似小飛俠




4)
2010秋 新 女装 衣服 长上衣 淑女时尚 两件套 针织衫 细节实拍
$60
其實我覺得呢件衫貴左小小!
不過我又好鐘意喎!
其實我係鐘意件上衣個cutting~





好彩件打底裙質地都算舒服,都好滑!




報告完畢!謝謝收看